製作人陳淑芬嘅「陳淑芬．星星相識 50 年．紀念展」，20號喺澳門舉行開幕儀式，除咗策展人陳淑芬外，仲有美術及形象指導張叔平、著名攝影大師夏永康及一眾官員亦有出席。
展覽入面會回顧陳淑芬入行 50 年嘅經歷，包括佢曾參與製作嘅演出項目、香港流行音樂文化同演唱會嘅進程，當中更會展出超過100件 哥哥 張國榮嘅展品，陳淑芬表示：「張國榮在我的演藝生涯佔有一個很重要的位置，今次紀念展得到唐鶴德先生借出更多「哥哥」的珍藏品，所以特別騰出一個較大的空間去展示這批無價寶，屆時單是「哥哥」的展品已超過 100 件。我在紀念展入面亦開了個期間限定的 Leslie Café，希望兌現「哥哥」張國榮在1989年「告別樂壇演唱會」尾場時許下的承諾。各位「哥」迷憑當年演唱會的票尾可以到來換取一杯特別版咖啡。」
紀念展仲會展出唔少珍貴照片同演出片段、80 同 90 年代嘅黑膠唱片、《風雲音樂劇》嘅舞台服飾、歷年演唱會海報，當中仲有唔少係從未曝光嘅合照、珍藏簽名版、工作證、場刊及紀念冊等。
「陳淑芬．星星相識 50 年．紀念展」於 2024 年 3 月 21 日至 5 月 19 日假澳門倫敦人 4 樓敦煌宴會廳舉行，觀眾可以免費入場參觀。
