流行都市｜鄧達智帶隊瓹窿瓹罅食好西 大王芝齡嘆omakase旁若無人

時裝達人 鄧達智 原來除咗對時裝仲有圍村文化有研究之外，佢仲對唔同美食一樣瞭如指掌，最近佢仲為《流行都市》嘅單元「達智埋單」，呢日就帶一日到黑耍花槍嘅 大王 同 宗芝齡 去到元朗搵好嘢食，仲連餐廳嘅飲品都係Williamn發明呀。

呢日佢哋去雲吞麵店食嘢，不過就唔係大家諗嘅竹昇麵魚尾雲吞，而係omakase「廚師發辦」，仲話過往食過牛鞭、牛歡喜，難怪芝齡聽到都O晒嘴啦。

呢日明明William係主角，點知大王同芝齡傾傾吓又打情罵俏旁若無人，搞到William面都紅晒唔知點反應至好喇。