中年好聲音2｜7強倒數迎周日決戰 See Saw 先開Live分享備戰心情

《中年好聲音2》星期日就會進行總決賽「登峯之戰」，7強選手 譚輝智 顏米羔 古淖文 陳俞霏 安雅希 黃劍文 同 沈宗賢 隨咗每日為決賽嘅歌曲排練之外，呢日就暫時坐低，開Live同 SeeSaw先 嘅觀眾傾吓偈，分享心情同備戰情況喇。 

呢晚開Live 伍仲衡 同 劉威煌 亦都有參與，加上幾位選手一齊Jam吓歌，仲齊齊搵伍Sir研究吓攞高分嘅技巧，仲總結出要放鬆唱，自然發揮就會更加好咁話。Kimman亦提到已經決定暫時放低結他，專注喺演唱嘅部份呀。

決賽當晚參賽者會喺首回合分別演唱一首快、慢歌，而跳唱就對熱門輝智有一定難度，連安雅希同沈宗賢都一樣話係好大嘅挑戰嚟呀。而將會為決賽擔任評判嘅 楊千嬅 仲係大家嘅最愛歌手，大家一提起就爭住講飛佛，唔知千嬅評分標準又會係點呢？

《中年好聲音2登峯之戰》星期日晚 20：00 翡翠台