李司棋分享少女時期舊照 網民大讚純天然美女

李司棋平時喺社交平台多數都係同大家分享美食，好似去咗邊度食好西，又或者自己煮咗啲咩好酒好菜。呢日司棋姐如常喺社放平台發帖，不過分享嘅就唔係美食，而係佢嘅舊照。
李司棋喺社交平台post出舊照。
司棋姐貼出兩張自己年青時影落嘅黑白照，喺帖文中表示：「執貨倉，整理舊物，慢慢同大家分享搵到啲乜。」相中所見着住連身裙嘅司棋姐，曬出大長腿，帶笑斜望向上，打扮優雅又大方；另一張相同樣着上連身裙嘅司棋姐，翹起二郎腿，側頭望向鏡頭，少女味十足。
滿滿的少女味。
唔少網民見到司棋姐嘅舊相時，都大讚佢係個天然美女，無論過咗幾多年都仲係咁靚呀！

平日司棋姐愛於社交平台分享美食。