由歐陽震華、苗僑偉、許紹雄主演嘅經典劇集《賭場風雲》近日喺翡翠台深宵時段重播，唔只勾起觀眾當年回憶，就連歐陽震華都懷念埋一份，喺社交平台分享一張「賭場三兄弟」聚餐合照，配文寫道：「近日『賭場風雲』重播，劇中三兄弟又重聚，滿滿的回憶。」令唔少網民都話好期待佢哋再次合作。
相中除咗歐陽震華、三哥、Benz雄外，仲有三嫂戚美珍、Benz雄契女佘詩曼、監製鍾澍佳以及Benz雄家人。所以有網民笑言既然咁多位好戲之人難得聚會，加上又有佳導呢位「戲劇巨頭」在場，唔知佢哋以後有冇合作可能；另外亦有網民大讚香港娛樂圈氛圍好，藝人之間可以老友鬼鬼打成一片。