再見‧枕邊人丨黃智雯獲汪阿姐教路寧願真摑對手 張曦雯狠摑男演員冇壓力

TVB劇集《再見‧枕邊人》進入倒數階段，黃智雯飾演顧晴天、張曦雯飾演朱善美喺劇中不時針鋒相對，二人互不相讓，發展到由口角變成郁手互摑，呢晚佢哋喺海旁拍互摑場口。

黃智雯笑指喺劇入面廝殺不留情，好似打乒乓波咁，張曦雯坦言第一次打女人，黃智雯話今次「互打」次數係打和；好多演員面對拍掌摑戲份，有時覺得好大壓力，怕出手太重，令對手受傷，但係佢哋寧願真摑對手，反而好過扮打。

黃智雯多得阿姐汪明荃教拍掌摑戲有技巧，提佢唔好打面頰，張曦雯以往摑男演員比較多，首次摑女對手好有壓力，笑言摑男仔可以用力啲！