蕭正楠46歲生日開工到夜深 翠如守家門捧蛋糕送驚喜

3月23號係 蕭正楠 嘅46歲生日，不過要開工嘅Edwin直到凌晨先返到屋企，而太太 黃翠如 其實一早就準備好蛋糕為深愛嘅另一半送上驚喜，仲由未夠12點就準備好一切，一直苦等到成點半鐘愛郎先現身。

由翠如上載社交平台嘅短片見到，佢由11點幾就已經開始拆蛋糕準備，不過就一直等到點半Edwin都未返到，期間仲一個人守住門口，以求老公一返到屋企就為對方慶祝，非常用心。而Edwin揸車返到屋企，未泊好車就已經開窗甜笑，之後又齊齊唱生日歌，兩公婆齊齊迎接簡單又豐盛愛意滿滿嘅生日。

其中最特別嘅，仲係翠如提到於奶奶屋企發現一張Edwin嘅幼稚園生日相，佢仲以超高P圖技巧將兩人修改為於同一生日會出現，又寫道：在你媽媽家找到了這一張相片，這天是這個小男孩的生日，看起來有點寂寞，我用了畢生功力，找來了一個女孩陪你過，直覺告訴我，你將來會娶她」，真係甜到漏呀。