陳慧琳上海站演唱會搶先唱新歌 見歌迷多年不離不棄感動落淚

陳慧琳Kelly今年第二首國語新歌《謝謝你陪我那麼久》，係由小柯一手包辦曲詞編監、度身訂造用嚟答謝前任嘅作品，小柯表示：「總會有人默默無悔的陪你走一段路，正因為她默默且無悔，所以你會忽略那份深深的愛。直到有一天她離開時，你才發現可能失去了最寶貴的東西。這首歌，就是寫給她。」
陳慧琳巡迴演唱會上海站，搶先獻唱新歌。
而Kelly喺23號上海站巡迴演唱會上，就率先唱出24號先派台嘅《謝謝你陪我那麼久》畀歌迷聽。演唱會上Kelly換上從未曝光嘅戰衣 — 黑色喱士長袖上衣，由於上衣同手套合併為一件，所以穿着時要特別小心。當講到呢首新歌時，Kelly表示：「除了《時光厚禮》之外，疫情期間飛去了北京找小柯老師幫我製作新歌，是他作曲作詞，這首歌今夜（指24號）零晨會在網上平台上架，現在首唱《謝謝你陪我那麼久》。」
為咗呢首新歌，Kelly專登着上全新歌衫。
Kelly獻唱呢首歌時忍唔住感觸默默流淚，佢話相隔19年，再見到遠道而嚟支持自己嘅歌迷，令佢覺得好感動呀！

見到歌迷多年嚟不離不棄，令Kelly相當感動。