范振鋒與眾DJ義工行善 探訪老友記送歡樂與關懷

為秉承「取諸社會、用諸社會」理念，新城廣播有限公司(新城廣播)今年首次成立義工隊，並凝聚一眾DJ們加入，每月出動聯繫不同社福機構，為社區注入關愛。 《新城義工隊》第一擊，日前就到位於彩虹嘅東華三院龐永紹長者鄰舍中心進行長者探訪活動，超過20位義工及DJ們響應出席。新城廣播有限公司一眾高層朱子昭、梁耀宗、陳小芝、程凱欣、范振鋒、葉文輝(啤梨)亦身體力行，同老友記們大玩遊戲，度過一個笑聲滿載嘅下午。
一眾新城DJ組成「新城義工隊」去做義工。
活動中，一眾老友記同《新城義工隊》組隊，大玩「萬眾同心傳波波」、「雜誌夾夾樂」同「繽紛樂樂估歌仔」等遊戲，佢哋都大讚遊戲相當好玩，唔單止可以減壓，更可以放鬆一下心情。而喺玩「繽紛樂樂估歌仔」環節，范振鋒同啤梨亦不忘喺遊戲中大開金口，大唱經典金曲，冧盡唔少老友記們，眾人更紛紛大叫「Encore」，氣氛相當熾熱，老友記難得近距離見到偶像DJ，眾人隨即化身小粉絲爭相合照。

眾義工同老友記們玩得相當開心。范振鋒同啤梨大開金口。