馮德倫夥阿里主席旗下公司拍紀錄片 重現美體操隊唯一黑人女成員故事

潮流嘉年華ComplexCon近日首次喺香港舉行，而近年參與多個電影項目幕後製作嘅 馮德倫  亦獲主辦單位邀請，出席喺亞博舉行嘅Web3論壇，分享對互聯網未來發展嘅睇法，Steven話：「我不嬲對科技尤其係區塊鏈、Web3部份都非常有興趣，好開心可以參與，今次嘅經歷好愉快，香港嘅ComplexCon做得非常唔錯，希望來年會繼續做。」

馮德倫喺首次於香港舉行嘅ComplexCon分享對互聯網發展嘅睇法

Stephen又喺社交平台分享一張同阿里巴巴集團主席 蔡崇信 嘅合照，宣佈將參與全新紀錄片拍攝項目，佢以英文寫到：「好高興司監製呢部即將完成嘅紀錄片。影片係講述加洲一位青少年由單身母親撫養長大。佢作為美國藝術體操隊唯一黑人女孩嘅經歷，以及喺東京奧運資格賽前嘅緊張氣氛中同母親嘅關係。」

佢又宣佈拍攝有關美國藝術體操隊成員Nastasya嘅故事

Stephen又話因為題材當初一口應承加入：「當初遇到呢個項目，我覺得題材好有意義，同時感覺投資公司會對呢個project有興趣，因為佢哋都鍾意正面嘅社會議題、國際化嘅，所以就促成今次合作。」

身為美國藝術體操隊唯一黑人女成員嘅Nastasya，將成為紀錄片主角