何超盈親解缺席酒店開幕原因 激罕晒老公近照 疑逐漸克服社恐

何家總動員日前現身一間澳門酒店開幕儀式，適逢當日係四太梁安琪生日，其大女何超盈卻未見蹤，超盈噚日喺IG上載多張與老公辛奇隆合照，解釋二人未能出席，因為女兒染上手足口病。

超盈噚日喺IG解釋二人未能到賀原因。當日賭王家族各房千金傾巢而出，獨欠超盈未有現身。
超盈罕晒與老公辛奇隆合照。

賭王何鴻燊四房長女超盈自2019年與哈佛學霸男友辛奇隆結婚後生活變得低調，超盈去年11月曾講過自己有社恐，所以佢冇乜喺社交平台分享近況，以及極少公開露面嘅原因。

超盈自2019年與哈佛學霸男友辛奇隆結婚後生活變得低調。

事緣超盈上年11月曾與林心兒出席婚禮兼擔任姊妹，事後佢喺微博發長文譴責，「一早就已經說明有保密協議口頭或文字『一張我的照片都不能發出來的』」，超盈自爆有社恐只想低調生活，更公開感謝好姊妹心兒體諒，只有閨密明白佢對鏡頭嘅敏感度，心兒噚日公開與超盈嘅合照，相中見佢哋現身一個慈善晚會，超盈穿貼身露膊晚裝大騷香肩玉背，表情充滿自信，超盈亦有轉發帖文，相信超盈已逐漸克服社恐。
心兒噚日公開與超盈嘅合照，超盈亦有轉發帖文，相信超盈已逐漸克服社恐。超盈上年11月曾與林心兒出席婚禮兼擔任姊妹，事後佢喺微博發長文譴責。