家燕姐行善獲送生日驚喜 正日遊首爾賞櫻花望男友同行

3月30號就係家燕姐薛家燕74歲生日，呢輪大家頻頻為佢預祝生日，好似呢日佢現身慈善義賣活動都被大會送上生日蛋糕。

家燕姐可以喺生日前夕做善事，佢都話份外開心，家燕姐花咗幾個星期，搜羅600多件靚衫作義賣，希望幫助需要特別交通支援去接受治療嘅長者同殘障人士，為咗提升善長們嘅買衫動力，家燕姐都落足心機揀衫:「有百多件衫係沒有著過，有很多是很有意義嘅衫，好似之前喺《真情》出場時著嘅戲服，那時買要花二千幾，也有很多係《皆大歡喜》著過。 」

至於正日生日，家燕姐嘅仔女一早計劃好首爾之旅，成家人連埋寶貝孫仔出發韓國旅行! 被問傳說中嘅男朋友會否同行，家燕即展現含蓄嘅少女甜美笑容：「我唔知仔女有冇預埋佢(男友)一份，但係呢次遇到首爾嘅櫻花季，希望可以浪漫一啲啦!」 聽完家燕姐隔空許願，相信佢班仔女應該識做。

家燕姐亦有分享今年嘅生日願望，佢話好感恩今年工作不斷，祝願天下太平，經濟好轉，自親方面望自己身體健康。喺度我地祝家燕姐健健康康，Captain Nancy繼續以正能量拯球地球。