任賢齊孖古天樂力敵洪金寶 林峯與劉俊謙打到翻天覆地

由古天樂、林峯、劉俊謙、洪金寶、伍允龍、胡子彤、張文傑、任賢齊、黃德斌、廖子妤、朱柏康及蔡思韵主演，改編小說漫畫動作電影《九龍城寨之圍城》，將於5月上映。
任賢齊飾秋哥

林峯飾演陳洛軍

電影首條宣傳片及海報曝光，片中甫開始就見到身形健碩嘅林峯（飾演陳洛軍）拎住火水罐、石油氣罐，穿梭於城寨嘅大街小巷同店舖，而擁有一頭卷髮加上造型潮爆嘅劉俊謙（飾演信一），則騎着電單車穿梭於佈滿電線、水管嘅城寨窄巷，兩人打到翻天覆地，林峯更舞動雙鎚以一敵十，高速瞓身擒敵，場面驚險緊湊。

古天樂飾演龍捲風

古天樂（飾演龍捲風）、任齊賢（飾演狄秋）以威嚴姿態登場，兩人喺城寨地位超然，可以話得係橫行無忌，過往無人能敵嘅高手古天樂講句說話都特別霸氣：「警告你，城寨唔到你亂嚟，搞事...命都冇﹗ 」令城寨腥風血雨一觸即發。而胡子彤（飾演十二少）嘅360度揮動武士刀力抗圍攻，洪金寶（飾演大老闆）空手入白刃，繼而雙刀殺敵，張文傑（飾演四仔）施展閃電腿功，多場好戲及兇猛場面還在後頭。
 
洪金寶大哥飾演大老闆

電影由莊澄、葉偉信監製，鄭保瑞執導，以黃金陣容拼湊出台前幕後精英團隊，鉅細無遺重現80年代「三不管」九龍城寨的獨特景色，華麗細緻而充滿香港回憶嘅場景，忠於原著精彩角色活現大銀幕。故事講述落難青年陳洛軍（林峯飾）誤闖城寨，在城寨內結識了一班好兄弟，信一（劉俊謙 飾）、十二少（胡子彤 飾）、四仔（張文傑飾）等。兄弟們以龍捲風（古天樂飾）馬首是瞻，奮力抵抗惡勢力大老闆（洪金寶飾）嘅入侵，展開連番惡鬥，誓死保衛城寨。
黃德斌飾Tiger哥