王志良林穎施接棒登場演許仙與白娘娘 張德蘭捧場睇好戲

王志良林穎施接棒登場演許仙與白娘娘 張德蘭捧場睇好戲

「創意班主」彭美施(施姐)擔任出品人暨總策劃第七齣粵劇作品《白蛇‧許仙情越千年》,一連六場假西九戲曲中心大劇院演出,3月28日第三場由另一對粵劇好拍檔王志良與林穎施接棒飾演許仙與白娘娘,前兩晚李秋元與梁燕飛演出,加上台上特別效果與音樂及武打配合,可謂贏盡口碑,不少觀眾喺社交平台表示睇咗一場不一樣超水準粵劇作品,令出品人施姐十分感動觀眾們評價。
《白蛇‧許仙情越千年》出品人暨總策劃彭美施(中)讚王志良與林穎施演出精彩。

雖然係同一角色,但主角唔同亦有唔同化學作用,王志良將許仙情痴唱得令觀眾感動,林穎施所演白蛇更係武打連場,其中《盗仙草》嗰幕喺高台抝腰拱橋後翻跟斗,仲有穎施與飾演青蛇曉瑜,向後彎腰嘅難度高功架,讓觀眾睇到心跳加速非常緊張,戲中符樹旺飾演法海雖然係奸角,不過佢演繹令觀眾又愛又恨,特邀演出宋洪波飾演韋馱,以特技效果乘巨龍出場,觀眾睇到嘩嘩聲!王志良與林穎施兩人深情演繹,儼如帶觀眾跟許仙及白蛇走過一段哀怨情深縈繞千年愛情故事!

偉誠(右一)偕太太張德蘭與資深經理人Helen齊來捧場睇好戲。

施姐喺謝幕時表示經過檢討後,覺得呢晚整個戲情節流暢好多,飾演許仙嘅王志良坦言能有機會演許仙,感受到自己好幸福,噚晚戲曲中心顧問小組主席暨藝術發展局副主席楊偉誠專程偕太太張德蘭到場欣賞,楊偉誠讚武打動作好吸引,更讚今次選用三組唔同男女主角演許仙與白娘娘,既係良性的競爭,又明顯見到佢哋喺舞台上好盡力,用盡渾身解數希望做得最好,得到觀眾認同。
資深形象顧問文麗賢專程來捧施姐場。

楊偉誠更讚林穎施於《盜仙草》要喺高台做「拱橋」然後向後跳下,動作做得非常好。至於張德蘭表示施姐粵劇作品帶畀佢好多驚喜,尤其係以人體詮釋讓白蛇現真身,再出現巨大白蛇喺舞台上轉動,完全意想唔到。

林穎施在《盗仙草》一幕於高台抝腰拱橋後翻跟斗落地,令觀眾睇到牙煙又肉緊。

 相關推薦

熱門搜尋