JW直擊王嘉爾布吉30歲生日派對 攜「學生證」玩水槍戰互相潑水勁老友

王嘉爾（Jackson）近年主力演藝事業，以及管理自創時尚品牌，3月28號係王嘉爾30歲生日，佢喺布吉舉行「TEAM WANG INTERNATIONAL SCHOOL」大型生日派對，更為每位來賓準備學生證。
Jackson於布吉舉行「TEAM WANG INTERNATIONAL SCHOOL」大型生日派對。

王嘉爾與父母及親友一齊慶祝30歲生日，見佢非常用心為每位來賓準備一張附有名同照片嘅學生證、活動手冊，準備多款美食招待，又安排豐富表演節目及送煙花等，場面非常熱鬧。JW（王灝兒）今日喺IG貼出一條跟王嘉爾互動嘅影片，原來JW都前往布吉出席派對，見場內有提供free flow，當中更有Cocktail「FLAMING JACKSON」係用百利甜酒、咖啡利口酒、Sambuca、藍柑橘酒調製，未知係咪王嘉爾嘅最愛口味呢！?影片見王嘉爾與JW老友鬼鬼，又玩水槍戰又互相潑水，王嘉爾與一眾賓客飲到得酣暢淋漓，盡興而歸。
Jackson三十歲生日派對！Jackson準備多款美食招待，又安排豐富表演節目及送煙花等。

現場可以睇到日落！

王嘉爾與JW老友鬼鬼，又玩水槍戰又互相潑水。王嘉爾與父母及親友一齊慶祝30歲生日。