靚聲王有望出山撐徒弟開騷 方俊透露恩師張偉文近況

曾經參加過《中聲2》海選；「靚聲王」 張偉文 嘅徒弟兼經理人 方俊 即將舉行佢嘅首個個人演唱會，講起恩師張偉文已年屆71﹐近年又患上認知障礙症、加上腰患需要坐輪椅代步，要長居護老院，但係方俊就透露恩師嘅身體唔錯。

佢話張偉文唔止希望現身捧場，仲有機會登台獻唱，佢提到張偉文嘅近況時話： 「最近佢食得瞓得，精神好好，好鐘意朋友去探佢，同佢去飲茶，身體好好大家可以放心。」

方俊今次演出仲會將部分門票贈予視障人士同佢地嘅家屬欣賞，而呢次佢仲專程邀請視障樂隊The Cheers一齊合作，呢日見佢同樂隊綵排默契十足，方俊透露會獻唱樂隊The Cheers創作嘅歌曲《We Can Overcome》 :   「見到The Cheers超級興奮咁綵排(超級熱血)，我都被感動。」