福祿壽訓練學院丨澳門小姐扮火雞姐一夜爆紅 陳柏曦2分鐘扮勻6大天王級歌手

由阮兆祥、李思捷、王祖藍主持香港首個扮嘢真人Show《福祿壽訓練學院》，噚晚開始逢周日晚八點半推出。為咗令觀眾更快全面了解入圍者，第一至第三集《福祿壽訓練學院》時長足足1.5小時，直到第4集開始先回復1小時播映時間。
呢單嘢係唔係放下靚女包袱？

噚晚首播《福祿壽訓練學院》相當Dramatic，李思捷以「黑仔王」身份擸盡另類參賽者，包括「古惑包皮」皺桂鐘、「山寨都敏俊」黃俊昊及「醬爆古天樂」王嘉煒；王祖藍極盡幸運地擸盡首集最高顏值嘅三位參賽者成為城中熱話，三人分別為「新會華Dee」陳柏曦、「選美冠軍」麥嘉欣、「老翻林峯」鄭詠謙。

短時間內聲演同扮演到咁多天王，勁！得到一個咁有實力嘅學員，仲要咁有顏值，唔怪之得祖藍個樣咁囂啦。

代號為「選美冠軍」2017年國際小姐澳門代表麥嘉欣（Sofia），扮演「火雞姐」，額頭上超級刀疤及假哨牙已為佢贏得焦點，加上一身古早味連身裙打扮，向三位導師連環做出單眼及派心心表情，喜感爆燈。當三位導師得悉眼前「醜角」真身係澳門小姐，祖藍笑言：「如果你真係選美冠軍嘅話，你係算冇乜包袱。」最後Sofia大方應導師要求即場落妝展示真面目，結果成功「洗底」獲網民洗版式大讚仙氣爆燈、 笑容甜美。

陳柏曦甫出場已憑樣子有3分1似張智霖贏得三位導師關注。鄭詠謙啲眼神好「林峯」喎！

祖藍甫見到Sofia真身即表示曾喺公開場合見過對方，翻查資料原來Sofia六歲嗰陣已喺澳門兼職模特兒，中學時期開始做KOL，之後Sofia先後擔任過節目主持、音樂MV女主角、歌舞劇女主角、網台主持，亦參與過唔少廣告及微電影拍攝工作，甚至連臨時演員都做過，演藝資歷絕對豐富，其IG目前坐擁18.5萬Followers，Sofia不但身段美好、素顏勁有仙氣，閒時更會接觸唔同類型運動，可謂動靜皆宜。

自稱「林太」嘅德德都立即心心眼。「古惑包皮」唱歌走音不特止、仲要甩埋 Beat，不過由於「比卡超紋身」 諗頭一流，加上對答帶點「呆萌」，亦有自知之明，獲不少網民「熱捧」指「笑 到肚痛」，有網民更搞笑留言希望包皮之前能有突破性進步。

第二位顏值代表係代號為32歲「新會華Dee」陳柏曦，甫出場已憑樣子有3分1似張智霖贏得三位導師關注，佢不足兩分鐘表演時間，先後模仿劉德華、林峯、張學友、譚詠麟、黎明及郭富城，當中以張學友「招牌唱歌手」及黎明「招牌含笑嘴」最為傳神！柏曦獲得三位導師賞識，更接受李思捷挑戰以蔡楓華Tone玩「接對聯」， 成功憑神似還原Tone及超快轉數接下聯贏盡掌聲，由於柏曦樣子生得同樣標緻，噚晚亦引發網民洗版式獲讚靚仔。

「醬爆古天樂」及「山寨都敏俊」都被列為另類參賽者。到底李思捷會點樣打破佢嘅宿命？

第三位顏值代表係代號為「老翻林峯」無綫藝人鄭詠謙，雖然鄭詠謙樣子與林峯「亦有一些距離」，由於生得高大威猛、氣宇軒昂，加上聲線與眼神跟林峯近乎倒模，成功贏取關注，並獲封「顏值代表」之一。自稱「林太」嘅陳懿德亦被鄭詠謙「深情演出」深深震撼，不斷露出「鐵粉式開心甜笑」，除咗以上三位，代號「中女西面」嘅伍韻婷亦憑顏值引發網民關注，一雙條長黑絲美腿，更贏盡唔少正評。《福祿壽訓練學院》 逢周日晚八點半翡翠台播映！


網民都戥「黑仔王」思捷唔抵呀！

伍韻婷一雙美腿贏盡焦點。首集最終分隊名單

• Professor Fuk 阮兆祥隊：「臨時郭富城」彭建豪、「堆填區小龍女」趙頌宜、 「中女西面」伍韻婷、「扮聲勁過李思捷」林樂熙、「西貢籮記」潘昭豪、「深 井張國榮」莫家淦、「少女肥媽」劉美德、「女版阮兆祥」黃佩儀 

• Professor Luk 王祖藍隊：「新會華 Dee」陳柏曦、「選美冠軍」麥嘉欣、「老翻 林峯」鄭詠謙、「Lowbud 大熱」趙亮昭、「星爺接班人」張鈞翔、「勁高寧」 陳懿霏、「沙田詹瑞文」馬世義、「還珠攻略」王玲

• 
  Professor Sau 李思捷隊：「古惑包皮」皺桂鐘、「許志家駒」馮彥中、「我愛林 峯」郭浩皇、「大坑小 G」葉泓聲、「大灣區梅姐」林妍、「屯門王傑」莫皓 傑、「山寨都敏俊」黃俊昊、「醬爆古天樂」王嘉煒