陳嘉桓遊泰抒4年疲累 著傳統服飾狂食狂按摩

近年主力轉攻皮紋分析嘅 陳嘉桓  相隔4年來終於再次出發去旅行，早前佢同朋友飛往泰國狂食狂玩狂按摩，為幾年來嘅疲憊身心盡情放鬆。Rose一到泰國就即時大解放，換上當地傳統服飾大騷好身段同長腿喺鄭王廟打卡。

陳嘉桓早前終於再出發旅行，仲化身泰國美女

近年創業不停教班嘅Rose，因為忙住工作未有時間安排旅行，一直忙到今個農曆年過後，突然發現自己有4日空檔，於是立即相約好友到泰國放鬆。Rose話：「農曆年前我病咗一個月，又牙痛、剝智慧齒同B型流感，都想恢復能量，好似去充電咁。旅行嗰幾日天氣好好，自己好開心食咗好多好多嘢，豁咗出去冇特別控制飲食。」

Rose同朋友此行由頭玩到尾

Rose曾透露另一個不捨外遊嘅原因，係為陪伴家中年老愛犬，起行前她仲嘗試帶愛犬到媽咪屋企暫住，冇大問題先放心出門，仲話經過今次旅程，可能短期會再外遊叉電：「今次去食好多嘢，我日日都去按摩做Spa，所以返到香港我都仲好精神爽利。」