五音齊全！魔音馮盈盈愚人節大展歌喉 網民讚：唔好聽界別嚟講係好好聽嗰批

素有「魔音」之稱嘅馮盈盈平時鍾意唱歌，今日趁住愚人節就再次大展歌喉，唱功大躍進，盈盈已由魔音變五音齊全，今次挑戰唱陳慧琳經典歌曲《對你太在乎》！

盈盈已由魔音變五音齊全，今次挑戰唱陳慧琳經典歌曲《對你太在乎》！

盈盈今日喺IG貼出一條唱歌片，佢笑指如果今日唔係是愚人節， 佢應該冇勇氣公開，稱係「Happy April Fool’s Day!」，不少網民覺得佢唱歌未算魔音，有望「唱歌繼續愚公移山」，亦有網民寫道：「其實…喺唔好聽界別嚟講，你已經係好好聽嗰批。」另有網民坦言欣賞盈盈做主持多啲，並送上鼓勵叫盈盈繼續努力補課，期待佢喺歌唱上嘅進步。

盈盈今日喺IG貼出一條唱歌片，不少網民為佢打氣，送上鼓勵。