福祿壽訓練學院丨「環珠」王玲與祖藍再續師徒緣 黃建東去校服公司買衫被拒

由王祖藍、阮兆祥、李思捷主持《福祿壽訓練學院》首集播出，三位Professor憑代號盲選學員，場面相當有驚喜，《聲夢》趙頌宜（Maggie）以堆填區小龍女出戰，佢坦言一直好想試吓扮嘢，認為龍婷個人風格強烈，令人印象深刻，Maggie睇晒龍婷喺《中年好聲音》唱歌片，果然事前做足功課。

澳門選美冠軍麥嘉欣化身火雞姐，變妝前後嘅反差睇到大家嘩嘩聲，而「環珠攻略」王玲因男神王祖藍而參賽，王玲專登由杭州過嚟，佢指跟祖藍早有一面之緣，三年前曾喺一個綜藝節目合作。

藝人黃建東扮日本女子舞蹈團體Avantgardey，佢指今次節目組好公平，造型上係要靠自己悉心打造，而黃建東曾去多間校服公司買衫被拒，最終佢自己搵人整，用咗四位數字整呢套出賽戰衣！