近日唔少店鋪結業嘅新聞成為大家茶餘飯後嘆息嘅又一新話題,仲有人開設群組討論,希望香港人多光顧協助經濟。除咗市況不明,港人復活節期間「春運式」離港之外,一直光顧到有感情、默契嘅店鋪決定結業,總會喺心中掀起一啲漣漪。
李亦喬 因父母經營粉麵店,當年被傳媒冠以牛雜妹封號
而2015年曾參加香港小姐競選,因為家庭生意被傳媒冠以「牛雜妹」外號嘅 李亦喬 ,亦喺社交平台公佈自己將揮別牛雜妹稱號,因為經營粉麵店嘅父母,已經決定將營運20年養起一家人嘅鋪頭結業退休,享受人生喇。
佢喺社交平台公佈粉麵店將經營到周末
去年被拍拖近7年男友求婚嘅 李亦喬 ,又指雖然公佈消息一刻係4月1號愚人節,不過自己只係想以輕鬆氣氛公告消息,並非亂噏開玩笑,佢提到要暫別呢一個「家」,歡迎大家拉閘前到店作最後支持,仲話希望他日有機會再為大家開展另一個聚腳地咁話。
去年獲男友求婚成功嘅佢,留言就對鋪頭依依不捨