詹天文成功獲美國伯克利音樂學院取錄 校友才華洋溢 屬最頂尖音樂學院之一

After Class成員詹天文（Windy）與鍾柔美（Yumi）係應屆DSE考生，Windy今日喺IG公佈好消息，已獲國際知名音樂學府Berklee College of Music（伯克利音樂學院）取錄，Windy收到取錄通知，開心稱完成一個重要目標。

After Class成員詹天文（Windy）係應屆DSE考生。

Windy多謝大家關心同祝福，形容收到電郵時開心到飛起，而且佢參加面試當日更緊張到震；不過Windy仍未決定係咪去當地升學，皆因目前佢有申請其他學校，現時會好好地考DSE，同時參加其他學校面試，希望完成後先再作出最終決定，到時Windy會再同乂家分享。

Windy多謝大家關心同祝福，形容收到電郵時開心到飛起，而且佢參加面試當日更緊張到震。

Windy音樂造詣高，5歲時隨女高音歌唱家王珊及戚芷君學習聲樂，2018年以優異成績考獲倫敦聖三一學院演奏文憑。Windy喺中學入讀國際基督教優質音樂中學暨小學。Windy去年參加學校舉辦嘅社際音樂比賽演唱一段莫札特《魔笛》夜后其中一段，條片喺台灣爆紅。 

Windy今日喺IG公佈好消息，已獲國際知名音樂學府Berklee College of Music（伯克利音樂學院）取錄。

Windy今次獲美國伯克利音樂學院取錄，可見佢嘅音樂才華，而伯克利音樂學院係最頂尖嘅音樂學院之一。該校校友有著名作曲家顧嘉煇、「江南Style」PSY大叔、美國歌手CP查理（Charlie Puth）、歐陽娜娜及王力宏等。
Windy仍未決定係咪去當地升學，皆因目前佢有申請其他學校。