婚前派對丨新娘黃美棋扮篤大小姐魂精 開心有索爆姊妹團一齊癲

童星出身嘅黃美棋與拍拖10年嘅男友鍾健威（Ray）將喺4月6號位於西貢五星級酒店舉行，婚宴筵開35席，下午5點先進行證婚儀式，晚上再舉行晚宴，一對新人近日向親友派喜帖及喜餅，美棋今日喺IG貼出Bridal shower（新娘婚前派對）嘅相片。

美棋今日喺IG貼出Bridal shower嘅相片。

美棋一直諗緊會唔會搞新娘婚前派對，因為一班姊妹團比較忙，最終佢哋都抽時間齊聚，令美棋覺得好開心，好多謝一班索爆姊妹團陪佢癲、陪佢擺甫士兼一齊開香檳，畀咗佢一個難忘嘅晚上，完全感受到大家濃濃嘅愛。

美棋好多謝一班索爆姊妹團陪佢癲！

林淑敏喺《愛·回家之開心速遞》飾演大小姐「龍力蓮」一角，經常狂鬧下屬係「人頭豬」兼使出招牌「篤魂精」，新娘子美棋影相嗰陣都有扮篤大小姐魂精，而大小姐表情亦相當搞笑！
新娘子美棋影相嗰陣都有扮篤大小姐魂精，而大小姐表情亦相當搞笑！美棋一直諗緊會唔會搞新娘婚前派對，因為一班姊妹團比較忙，最終佢哋都抽時間齊聚。黃美棋4月6號出嫁，當晚喺西貢五星級酒店擺酒。