劉以豪來港謝票吃好西 被鄧麗欣識穿扮明廣東話

台灣演員劉以豪早前嚟到香港，為同鄧麗欣合作嘅港產愛情電影謝票，估唔到出名大隻仔嘅以豪，都係吃貨一名，呢次香港之行，佢就會問定粉絲究竟有咩美食好推薦，跟住佢就會去搵兼且打卡，佢仲話好似隨意點嘢食，每次都覺得係好好食，而今次佢就發現芥蘭菜同胡椒豬肚花甲湯都好好味。

拍檔Stephy因為有工作在身，未能歸隊謝票，但以豪都大讚對方好識照顧大家，特別係佢廣東話有限，以豪受訪時突然用廣東話講「唔好意思，唔識聽唔識講。」佢話每當香港團隊講嘢事，佢經已好努力去聽，但每次都係扮明，而Stephy就察覺到佢只係點頭扮明，之後Stephy就會再同導演溝通，再翻譯一次畀佢聽。當問到現時嘅廣東話水平，佢就話只識講「唔好意思」、「多謝」、「多謝大家」、「好好食」、「精神」等幾個用詞。