日本著名導演是枝裕和喺2017年以《小偷家族 》首次摘得康城影展金棕櫚獎,於2023年跟著名編劇坂元裕二合作拍《怪物》,一舉拿下康城影展「最佳劇本獎」揚威國際,坂元裕二於2016年識到導演是枝裕和,一直好想一齊製作電影,直至機緣巧合下,佢提出想同著名導演是枝裕和合作,導演聞言即笑指下次唔使顧慮一開始直接講就好。
坂元裕二指《怪物》第一部分係講校園暴力,接住就係由老師角度出發,反映出日本被稱作「怪獸家長」嘅教育問題;導演是枝裕和最初搵音樂大師坂本龍一創作配樂,對方未有回音,導演只好先將坂本先生嘅音樂加入電影,將DVD連同信件寄畀坂本先生,用誠意打動坂本先生合作,佢哋以書信聯絡,來回用音樂及視頻之間嘅形式合作。
登入後即可查看我的收藏
登入後即可查看瀏覽記錄