黃子佼再被爆存未成年偷拍色情片 舊愛好友割席怒斬多年友情

台灣知名主持人 黃子佼 去年倦入Me Too性騷擾風暴，本來事件逐漸歸於平靜，豈料近日被爆出佢竟然係網上偷拍論壇嘅高級會員，而調查單位亦發現佢嘅電腦有多部未成年女性嘅偷拍影片，加上當地再有人指控曾遭佢性侵，令輿論再次大肆討論黃子佼嘅案件，更有聲音提出希望官方修法嚴懲涉及未成年兒童性罪行嘅犯人。

無論係佢嘅舊愛 小S 徐熙娣 定係同佢認識多年嘅 楊千霈 都支持修法保護未成年兒童免受侵害。本來去年力撐老友嘅楊千霈，因為近日公開嘅案件資料而態度180度改變，更指同對方唔再係朋友，又指涉及兒童色情嘅事件已經凌駕於雙方多嘅友情咁話。

而曾同黃子佼有唔少合作嘅 吳姍儒 亦對新近傳出嘅案情大為震驚，亦非常心痛。更稱對犯罪同罪犯同樣無法接受同原諒。