獨家丨中2生演唱舉行在即落力排舞 顏米羔黑超上陣被笑偶包重

中年好聲音2家族演唱會即將於4月15日同16日隆重登場，呢日眾人齊集排舞，睇上去好有聲勢，不過染咗一頭藍色頭髮嘅顏米羔就戴住黑超排舞，唔好以為佢係扮有型，實情係因為眼腫要遮醜，不過都係被一班兄弟姐妹笑佢偶包重。

而講起演唱會嘅唱跳舞台，相信大家都好期待可以再見到譚輝智獨特又可愛嘅舞姿，不過原來一班中2生反而更加期待見到王玥跳舞，鄭梓浩就話因為王玥嘅舞姿可以滿足男性嘅期待，而沈宗賢同劉可同樣都係受期待嘅跳唱歌手。

至於眾女將為咗喺演唱會上呈現性感嘅跳唱舞台，近日喺飲食方面都落咗唔少功夫，甚至為減肥自製飯盒，而威煌隊長仲自爆以麵包充飢，希望到時嘅表現可以令大家眼前一亮呀！