余香凝回應電影易角風波 泰國男神Win工作忙不停

余香凝、廖子妤、何超蓮、泰國男星Win呢日現身一個品牌開幕活動，場面熱鬧。由Jennifer主演、改編自真實事件嘅電影上映時贏盡口碑，亦為佢帶來獎項。之但係有報道指衛詩雅早喺2019年就已經同電影導演到法庭聽審，為記者角色做準備，但最後被易角由Jennifer成為女主角。

呢日Jennifer就回應話，自己係收到試鏡邀請，經過試鏡而得到角色，Fish都係當時其中一個有份試鏡嘅女演員。面對傳媒提及衛詩雅並唔係由試鏡得到角色，而係幾年前已經為角色做準備，Jennifer就話試鏡前嘅事佢都唔清楚，劇，當演員遇到一個好劇本嘅時候都係會想演好佢；而Frish就認為一部戲未開之前都有好多變數，而角色係會搵人，一切都係緣分。

愛美之心人皆有之，Jennifer嘅囡囡Clare雖然先得兩歲幾，但佢已經好鍾意扮靚，不過扮公主扮到差唔多就會自己抽離返角色，非常可愛。Jennifer仲話Clare間唔時會幫人化妝，自己有時帶妝收工後都會被Clare玩下、補下妝。

作為新世代泰國男神，Win喺歌影視三方面全方位發展，早前更榮獲「第17屆亞洲電影節」頒發「亞洲飛躍演員大獎」，呢日Win再次表示深感榮幸可以得到一個喺亞洲有影響性嘅獎項。而佢接落嚟唔只會有商演同個人演唱會，亦會繼續有新戲劇作品推出，前排仲喺香港拍攝完一部電影添！