謝嘉怡郭柏姸同剪短髮拍新劇 Lisa變打女Rosita變琴手

同樣於2020年參選香港小姐仲分別獲得冠軍同季軍嘅 謝嘉怡 同 郭柏姸 ，當選後分別體驗行內唔同工作，而自參選後成為好友嘅佢哋，亦參與戲劇演出，好似Lisa就曾加入《愛．回家》仲有唔同綜藝節目，最近更剪短秀髮加入新劇《武林》嘅演出，仲有指佢為角色將成為打女，事前更受訓足足3個月。

而專注戲劇發展嘅Rosita，唔止因為《下流上車族》芊芊一角閃電入屋，有機會參演台慶劇《新聞女王》，又喺正播出嘅《逆天奇案2》一改形象扮演恐佈情人之外，近日同樣剪短一把長髮嘅佢，正為新劇《麻雀樂團》同視后 李佳芯 等合作。

同樣正拍攝新劇嘅Lisa同Rosita，每日清晨都會喺化妝間相見，各自為未來努力之餘，Lisa仲Post出Rosita等候時瞌眼瞓嘅相，唔知會唔會令佢哋回憶起當年參選時嘅緊迫日程呢？