廖子妤狐狸紋身賀34歲生日 望與男友盧鎮業情侶裝上陣

廖子妤 同 栢天男 一齊現身品牌活動，Fish身穿露肩連身裙盡顯纖瘦身材，並不經意露出手腕内側嘅狐狸紋身，原來呢個紋身係Fish送畀自己嘅34歲生日禮物，背後別具意義，紋身上仲寫上Present is me，代表住：「我、上天、父母給的禮物。我覺得幾乎合提醒我現在嘅心景。」並笑指圖案好容易遮蓋，唔好因此唔搵佢拍戲。

Fish同Adam同樣係Model出身，兩人對穿搭技巧頗有研究，佢哋分別同大家分享揀衫心得，Adam會以簡單便利為主，而Fish就話著衫要睇心情，對佢嚟講好似每日嘅角色一樣，覺得想男性化就中性啲，要女人味就著得女人啲。有機會的話都想同男友盧鎮業試吓情侶裝，感覺似一個Team，覺得穿衣最緊要好玩有自信。