歌手王嘉爾(Jackson Wang)近日再度成就解瑣，第3度登上全美最大嘅音樂節Coachella科切拉音樂節舞台，Jackson事前並冇特別宣傳，事關佢係以神秘嘉賓身份，孖日本新生代組合Number_i演出，Jackson戴住黑色冷帽同面罩，全黑打扮突然亮相舞台，令粉絲相當驚喜! 
有留意J Pop嘅朋友知道Number_i三位成員平野紫耀、神宮寺勇太與岸優太其實係人氣組合由 King & Prince 嘅前成員，三位唱跳實力強勁，佢地同Jackson一齊演出《GOAT(Jackson Wang Remix)》可以話炸爆舞台。
另外，Jackson亦有同新生代韓國唱作女歌手BIBI獻唱《BIBI & Jackson Wang - Feeling Lucky》，兩人對望嘅眼神充滿住火花。
2022年Jackson成為首位登上科切拉音樂節主舞台表演嘅中國SOLO歌手之後，去年獲邀演出帶黎長達50分鐘嘅個人表演，並同美國傳奇歌手、R&B天后Ciara合體演出兩人合作曲《Slow》，演出後個人話題立即登上社交平台第一位,熱度驚人。
Jackson首張實體專輯《MAGIC MAN》喺2022年9月發行﹐曾入圍BILLBOARD 200專輯榜並取得第15位嘅好成績，創華人歌手歷史排名。同年10月,佢嘅首次個人世界巡迴演唱會亦吸引世界各地上萬歌迷支持，並多次創下華人歌手在外演出的記錄。呢次佢第三度登科切拉音樂節舞台，更同日韓歌手合作創造不一樣嘅演出，相當粉絲們會覺得相當有驚喜。