吃貨橫掃深圳｜陸浩明帶隊掃最長夜市 美女主持訪人氣Cafe化身打卡專員

《吃貨橫掃深圳》今晚播出最後一集。 陸浩明 彭慧中 林秀怡 同 梁凱晴 由頭食到尾，用「食」為節目畫上完美句號。近年港人北上除咗追求精緻美食，亦喜愛行下夜市，大啖享受貼地小食。幾位主持呢次就去到位於寶安區，全長400米；有深圳最長夜市之稱嘅鹽田社區夜市文化街。

6號、Phoebe、秀怡同Carina今晚將會由頭食到尾

全街擺滿過百個攤檔，雲集中國唔同省份嘅甜品、鹹食，四位主持為大家試食一蚊一串「鉢鉢雞」、黑色臭豆腐、火焰花甲粉、荊州鍋盔等小食，隔住屏幕都流口水！6號仲分享自己嘅掃街標準，避開中伏機會。

佢哋先會一探深圳最長夜市
 
而製作組呢集更搵到以Mega Size Taco馳名嘅漫畫風日式居酒屋，好似手掌一樣大嘅照燒鰻魚Taco色香味俱全，每個只需39元人仔(約42港元)；仲有多款人氣食品，好似鵝肝肥牛Taco、海膽牛角包、北海道湯咖哩飯創新又足料，每道菜都要「相機食先」！

又會試食巨型Taco

另外，今集「抵食之選」就有採用新鮮江團魚，配以簡單食材蒸煮，再蓋上有「雲南十八怪」之稱嘅草帽做鑊蓋，以140度高溫逼出膠原蛋白極豐富奶白魚湯嘅蒸汽石鍋魚套餐。濃厚魚湯仲可以做火鍋湯底打邊爐，加上年糕口感嘅豆腐拼盤、爽口彈牙原隻鮮蝦蝦滑，成個3至4人份量套餐只需380元人民幣(約411港元)，性價比極高！

之後再試食濃到牛奶咁嘅魚湯打邊爐
 
今集「打卡able」重點推介位於深圳南山區嘅全新café，恍如法國南部小莊園嘅園林置景種滿藍藍紫紫花卉，亦設有歐陸式噴水池、鋼琴等，浪漫布置吸引唔少女仔朝聖打卡。梁凱晴同林秀怡全程忘我影靚相之餘，亦集合為觀眾集合三大必影打卡位！另外，兩位女主持最後一次擔任「試伏專員」，試食另一大型倉庫式超市食品「安格斯牛肉芝士漢堡」、「急凍烤鴨」，兩女食完大讚「CP值超高」、「呢個掂喎」、「值得一試」，想知道邊款食品獲力推，記得留意今晚最後一集《吃貨橫掃深圳》！

亦會同大家介紹非常靚嘅打卡熱點
 
《吃貨橫掃深圳》最後一集 今晚 22:30  翡翠台