洪永城 現身電視城,聯同 宋宛穎 魏韻芝 何沛珈 為全新節目《早D知早D醫》拍攝宣傳片。Tony呢排忙到冇時停,上月迎接完第二位千金出世後,又要忙住拍攝節目,加上仲拍緊劇集《執法者們》,搞到佢嚴重睡眠不足。佢仲笑言湊女生活單調,世界得返白色、天花板、奶粉,多得有機會同幾位靚女一齊拍節目,生活先有返色彩。Tony又鬼馬咁話大囡Amber好錫妹妹,準備訓練佢餵奶添!
幾位主持喺節目訪問唔少患病康復者,了解事前病徵外亦會同醫療專家訪談,幾位都覺得自己學到唔少嘢,仲可以透過節目順便睇醫生。而呢日,一眾主持都做咗一個認知障礙測試,結果Tony就被發現有認知隱患,需要做多啲嘢活化腦部。
登入後即可查看我的收藏
登入後即可查看瀏覽記錄