韓馬利完成白內障手術 拆紗布後以雪糕獎勵自己

現年69歲嘅韓馬利，今日（19號）喺社交平台post出兩張相，其中一張係佢一隻眼包住紗布嘅相，原來Mary姐噚日啱啱做完白內障手術，而今日就封醫院拆紗布，Mary姐喺帖文中表示：「昨天做白內障手術多謝譚醫生悉心照顧手術成功，今日折（拆）紗布了，獎勵下自己自己先👏👏👏👍」而帖文入面嘅另一張相，就係Mary姐拆完紗布後，戴上太陽眼鏡去食雪糕獎勵自己嘅相。
Mary姐 18號做完白內障手術。
Mary姐嘅帖文post出後，劉美娟、文雪兒、彭家麗、韋綺姍等圈中人都有留言叫Mary姐要好好保重，其中戴耀明仲留言建議Mary姐老公杜燕歌請Mary姐去食大餐呀！
戴耀明留言叫杜燕歌請Mary姐去食大餐。