中華文化節2024丨羅家英新作打頭炮演出 投訴阿姐汪明荃騷擾寫稿？

羅家英同阿姐汪明荃呢日現身「中華文化節2024」節目巡禮，主禮嘉賓文化體育及旅遊局局長楊潤雄亦有上台致辭，六至九月將有一連串唔同類型嘅文化活動，家英哥新作打頭炮演出，阿姐指老公閉關咗個幾月。

家英哥就投訴阿姐騷擾自己寫稿，阿姐解釋女主角有好多歌要唱，佢希望家英哥快啲寫好，等自己可以去練習，家英哥指新編粵劇《大鼻子情聖》係一個浪漫悲劇，以土木堡之變為大時代背景。

家英哥喺劇中角色文筆非常好，更代另一位角色寫情信畀阿姐，家英哥就話寫過一封親筆情信畀阿姐，當時佢喺內地節目《經典詠流傳》朗讀出嚟。