北京國際電影節｜紅地氈星光熠熠香港代表先後登場 林志玲罕有現身依舊艷壓全場

第十四屆北京國際電影節日前揭幕，大批明星演員都紛紛現身紅地氈，而香港演員 姜皓文 湯鎮業 夏文汐 仲有各自有新作參與嘅 陳可辛 吳君如 夫婦 亦有出席。以一身中門大開打扮出席嘅君如，打扮非常性感，而今次仲係佢相隔近10年再次參與。

成為媽咪後甚少出現公開大型活動嘅 林志玲 亦罕有以表演嘉賓身份現身依舊明艷照人， 胡歌 同 高圓圓 合作新作亦入圍主競賽單元，齊齊以全黑打扮出現嘅佢哋，極受現場觀眾歡迎，之後胡歌仲同感情極好；於劇集《繁花》中扮演佢師傳嘅 游本昌 再次出場。

導演 劉偉強 亦同以香港水餃王后作題材嘅新片演員 馬麗 一齊現身紅地氈，而馬麗之後亦再同 張藝謀 導演一齊再為新片現身。另一位香港導演 王晶 就同新一任晶女郎 雲千千 、葉童 等都分別出現。