孫藝珍首次訪台被稱仙女感尷尬 為人母後把握Me Time放鬆充電

韓國女神 孫藝珍 前年為型男老公 玄彬 誕下一子，呢對韓國演藝界童話一樣嘅男、女神升呢做父母之後，唔少人都一直非常期待佢哋嘅新作品推出，而暫時放低老公同乖仔嘅孫藝真，日前就首度訪台，出席代言活動，首次到訪當地嘅佢，唔止以中文同大家打招呼，仲話對呢次旅程非常期待。

開晒口期待一嚐台灣美食嘅「孫仙」心情大靚，被活動主持阿Ken嘅幽默一椒氹待得非常開心，仲話知道大家為自己改呢個封號覺得難為情，自己只係凡人一名咁話。而為人母之後，因為重心全部投入照顧小朋友，所以會把握小朋友瞓著嘅時間當係自己嘅Me Time，好好享受放鬆咁話。