逆天奇案2｜速登內地平台熱度榜冠軍 祝捷宴眾演員懷慶祝

懸疑劇集《逆天奇案2》播出後收視不俗，劇情緊張之餘，一班演嘅演出亦獲得唔少讚賞，呢日總監製 劉家豪 就同太太 梅小青 ，仲有首次演出TVB劇集嘅 尹光 林夏薇 方力申 張頴康 梁小冰 謝雪心 鄭俊弘 等齊齊參與祝捷飯局。

呢日大家仲送上蛋糕，為劇集再有好消息而慶祝，家豪哥就公開劇集於內地平台橫掃港劇熱度榜，仲連帶令觀眾重睇上一輯，令熱度同樣攀升至第2位。

劇中扮演頑固長者嘅尹光，角色一出現就被大讚演技一流，家豪哥仲指有留言讚光B係被歌手身份耽誤嘅演員，佢仲話早喺拍《法言人》時已有意邀請對方演出，，不過有心唔怕遲咁話。

至於小方、薇薇同大奸角阿康，就討論點樣派福利報答觀眾，至於事隔多年再拍TVB劇集，又再次同老公同劇合作嘅小冰，加上同本人反差極大，就話今次演出非常過癮，仲唔排除繼續再為大家演出唔同角色咁話呀。