聲夢成員單曲變實體黑膠碟 齊化身店長見證作品面世

聲夢傳奇 嘅一眾成員，出道之後都已經先後推出個人歌曲，而近日舉辦嘅香港唱片店日，仲令佢哋大家都正式推出個人唱片，因為歌曲都收錄於限量黑膠唱片當中，難怪佢哋呢日都親身到各大唱片店見證呢個時刻啦。

冼靖峰 張馳豪 潘靜文 林智樂 孫漢霖 黃奕斌 何晉樂 林沚羿 蔡愷穎 就齊齊為自己嘅作品化身一日店長喇。大家對自己嘅單曲變成實體碟都非常高興，又話呢次機會得來不易呀。而大班Fans亦都一早排隊搶購，大家亦分別為歌迷簽名合照答謝呀。

Aska Sherman同Felix下月就會合體開騷，佢哋就話形式同歌單已經密切討論中，又話會再吸收Fans嘅意見，而Archie就話喝望見到Aska騷肌仲有佢哋三人嘅合作舞台喇。