劉德華睽違10年再辦內地巡迴 八大城市開唱未開騷偷閒出遊

劉德華 宣布時隔10年之後，今年會舉行全新內地巡迴演唱會，仲宣佈將分別於上海、廣州、北京、南京、杭州、深圳、成都同重慶等8大內地城市舉行。

足足相隔10年首次回歸內地舞台，大批歌迷都非常以待，而今次巡唱命名為《今天... is the Day》，同步公開嘅宣傳海報，華仔一臉笑意輕托下巴充滿朝氣，一直透過作品鼓勵更多人嘅華仔，仲希望今次演唱會令大家明白要珍惜每個當下、每一個「今天」，要開心自在咁度過。

劉德華宣佈將展開全新一次內地巡迴演唱會

華仔仲透露其實一直都同團隊計劃舉行全新巡迴，不過就因為忙住其他工作同場地申請需時，直至前年9月，首先嘗試以線上方式舉行「把我唱給你聽」音樂會，當時觀看人次仲突破3.5億人次。

個唱細節尚未公佈，而華仔早前就偷閒同家人一齊外遊充電

今次巡迴嘅場次同場地等細節仍未公開，而華仔早前就偷閒同家人外遊，為之後嘅緊密演出先充電喇。