張家輝新戲挑戰一人分飾多角 直言現實中自己最具挑戰

講起影帝 張家輝 ，唔少觀眾仍然好掛住佢化骨龍嘅角色，但係作為演員，飾演唔同嘅角色先有挑戰性，家輝嚟緊喺新戲中就要飾演一位人格分裂嘅神探，完全係考驗佢嘅演技，家輝都話收到劇本後，發現個角色咁複雜先覺得有趣，因為記憶能力好強，又會分裂出好多唔同人出嚟，再加上佢又有一段唔開心嘅往事，所以自己作為演員，仲會對劇本有好強烈嘅追求時候，呢類角色就好吸引。

家輝喺戲中一人分飾多角嘅做法，原來係由 奚仲文 提議，佢話原本電影公司冇呢個諗法，但係當奚仲文提出之後，大家都覺得好有趣味兼且由家輝自己飾演分烈出嚟嘅角色。戲中家輝需要不時同自己不同角色做對手戲，佢話難度唔算高，只要事前清楚跟邊個角色做對手戲就得，加上奚仲文幫每個角色都精心設計唔同形象，令佢更易掌握。當講到演邊個人格最大挑戰，家輝竟然話係現實生活中嘅自己，佢解釋自己人生永遠都係直播，無任何劇本、無角色、無得NG。

新戲導演由成家班武指 黃明昇 擔任，家輝都話每逢有動作場口，自己都特別仔細去聽導演講想點樣拍，同埋想知佢設計咗啲咩出嚟，好期待佢喺動作指導上嘅能力。家輝話黃導會揀選一啲容易出手，而又有效果嘅動作去做，拍出嚟就會顯得比適敏捷啲，有別於佢以前拍過嘅動作片。講到難忘嘅動作場口，佢就話當中一場同好多壞人，連續好長時間嘅打鬥，嗰場戲練習咗好多次先真正拍攝。