《愛‧回家》演員賀蘇韻姿31歲生日齊飯聚 劉丹呂慧儀超錫「紅衫魚」

《愛‧回家之開心速遞》飾演熊家三妹嘅「紅衫魚」蘇韻姿近日離巢發展，4月16號係蘇韻姿31歲生日，一班《愛‧回家》演員同佢食生日飯，蘇韻姿更感動落淚。 

4月16號係蘇韻姿31歲生日，一班《愛‧回家》演員同佢食生日飯。

蘇韻姿喺IG貼出影片，並感謝熊家人嘅愛：「每次有人生日，我們都一定會一齊聚埋食生日飯。今年當然唔例外！雖然今年我感受到好多變化，但係熊家人嘅愛永遠都唔會變！」

蘇韻姿更感動落淚，感謝熊家人嘅愛。

片中見劉丹、呂慧儀、滕麗名、單立文、陳浚霆、古佩玲及張景淳現身，單立文更攜妻子胡蓓蔚出席。丹爺劉丹同呂慧儀為蘇韻姿送上生日擁抱，丹爺更錫咗「紅衫魚」臉頰，枱上有兩大個蛋糕及一束鮮花，蘇韻姿更戴上生日皇冠，蘇韻姿更感動到用紙巾拭淚。