林志穎貼出與郝劭文合照 勾起網民滿滿童年回憶

林志穎喺1994年同當年嘅童星郝劭文、釋小龍一齊演出電影《笑林小子》，當時由於郝劭文童趣味十足，加上同戲中哥哥林志穎嘅互動相當有愛，俘虜咗唔少影迷。
小志貼出同郝劭文嘅合照。
相隔30年，林志穎喺社交平台貼出同郝劭文嘅合照，而為咗勾起觀眾嘅回憶，林志穎仲貼心咁將當年嘅劇照同合照拼埋一齊畀網民睇，而帖文入面，林志穎就表示：「旋風小子（電影台灣譯名）的小阿文變成大阿文了， 郝少（劭）文你怎麼還是那麼可愛😂」帖文一出，唔少網民都留言話勾起滿滿嘅童年回憶，同時亦有唔少人感慨林志穎嘅顏值係永遠不老呀！

佢哋30年前合作電影《笑林小子》。網民讚小志係不老男神。郝劭文同林志穎個樣都冇咩點變。