LOONG 9十二子香港辦拍手簽名會 4.28勁歌熱舞兼與粉絲近距離接觸

LOONG 9十二位成員將喺4月28號喺香港舉行全員拍手簽名會，多位成員喺微博轉發相關帖文。LOONG 9成員亦有拍宣傳短片，奧利、陳鑫昊、冼靖峰、文佐匡、黃奕斌及江信熹亦以廣東話自我介紹。

是次活動係組合Loong9正式出道及集訓後首個商場演出活動，屆時以勁歌熱舞表演展露集訓成果，為團體未來發展打響頭炮。佢哋又會同現場觀眾傾偈交流，分享自己首次喺商場表演感受，更與歌迷近距離大玩精彩遊戲，與現場粉絲近距離接觸。最後12位成員逐一為在場過百位歌迷送上親筆簽名，並用擊掌方式答謝歌迷一直以來支持。