何超蓮大方回應與竇驍婚姻狀況 坦言兩公婆聚少離多靠視像維繫

賭王千金 何超蓮 同內地男星 竇驍 舊年4月喺峇里舉行世紀婚禮，不過因為婚後二人少有公開放閃，甚至難得合體出席活動嗰陣，互動都唔似一般新婚夫妻咁甜蜜，所以屢傳婚變消息，甚至有指兩公婆喺金錢管理方面產生分歧，令呢段平民駙馬同豪門千金嘅婚姻面臨考驗。

而呢日超蓮去到台灣為自家牛肉麵品牌宣傳嗰陣，少不免都要回應婚姻生活現狀，不過超蓮就表現得落落大方，佢直認因為工作關係，二人聚少離多，不過就算身處異地，都會日日視像通話，分享工作同生活嘅大小事，不過問到生育計劃，超蓮就坦言暫時唔會考慮啦！