劉亦菲上海出席品牌活動慘被批如鋼絲球 周冬雨金色透視裙散發自信女人味

美貌被內地網友稱為神仙姐姐嘅 劉亦菲 呢日現身上海一個品牌活動，以一條閃都眼都睜唔大嘅蓬蓬裙出現，不過打扮就好懷參半喇，有人指佢打扮前衛，但係同時又有口痕友話佢似人肉鋼絲球喎。

而同場嘅 周冬雨 早前參與巴黎時裝周被批評黑面，不過呢日再現身就似乎心情唔錯，加上金色透視裙散發自信嘅女人味。至於早前被指同 胡夏 分手嘅 金晨， 呢日以粉藍色打扮出現，而呢日仲有以一身橙撞黑現身嘅 王嘉爾 、鍾楚曦、宋茜、歐陽娜娜、徐明浩等等，場面非常盛大。