陳美齡讚香港學生中文水平高 期待五月夏威夷見孫女

陳美齡 以發起人兼評審身份出席全港中小學生寫作比賽頒獎禮，成個比賽收到過萬份作品，Agnes形容係喜出望外，當中唔少作品更令佢有驚喜。喺短短一個月入面要評審過萬份作品，Agnes大讚香港學童中文水平好高，欣賞過大家嘅作品後，佢發現原來仲有好多書自己係未欣賞過。

講到評審準則，佢就話要睇到小朋友嘅心底話，所以畀得高分嘅作品都係會感動到佢。Agnes又透露啱啱完成咗新著作，預計書展會推出，雖然工作忙過不停，但佢好開心話嚟梗五月，會飛去夏威夷五日，到時仔仔會帶埋孫女飛嚟聚天倫，佢話已經好期待，因為有段時間冇見過孫女，平時只係靠視像聯絡見面。