胡諾言陳琪布吉慶水晶婚 相戀廿多年一家五口超甜蜜

當年因為拍攝《九五至尊》扮演一對姊弟而拍出愛火花嘅 陳琪 同 胡諾言 ，低調拍拖7年之後，2009年拉埋天窗共組幸福家庭，到今年轉眼已經15年，呢對圈中模範甜蜜夫妻，近日就到泰國布吉慶祝水晶婚，共躺輕舟對望一切已經盡在不言中喇。

胡仔同阿June到泰國慶祝水晶婚紀念兩人2009年拍拖7年後成婚組織家庭

早年以歌手身份入行嘅胡仔，當年同阿June先後加入TVB拍劇，之後合作演出而演變成為情侶，酷愛跑步嘅胡仔同阿June「地下情」跑足7年後於半島酒店成婚，婚後先後誕下兩女一子，長女更已14歲，真係時光飛逝呀。

June為胡仔誕下兩子一女，組成5口之家胡仔同June一有時間就會全家出動旅行

近年June淡出電視演出，轉型於網上媽媽界發展，不過佢同胡仔依然抽足時間陪住小朋友成長，一家五條「J」包括胡仔Jack、陳琪June、大家姐Jay、二家姐Jacey仲有細佬Jaden。仲經常同遊外地，等小朋友開闊眼界增廣見聞。

一家五條「J」非常幸福，直情係模範家庭一樣
胡仔同阿June相愛廿多年，仲似乎齊齊食足防腐劑一樣冇變過