Startalk一氣呵成版| 陳慧敏相隔七年開騷 大膽起用The Hertz做MD

陳慧敏 即將喺五月舉行4場個唱，呢日佢作客《Startalk》接受 許文軒 訪問分享籌備進度，轉做獨立歌手嘅佢更有自主權，更有膽去創新，慧敏哥相隔7年再開騷，呢個騷鮮有地起用樂團The Hertz 擔任音樂總監(MD)，慧敏哥仲分享當中嘅契機：「有一次我去欣賞The Hertz嘅騷發覺佢地嘅音樂風格多變，而且製作好精彩，起初搵咗佢地個騷嘅導演合作，後尾被提議搵埋The Hertz做音樂總監，因為佢地都未做過MD，希望開拓出一個新路向。」

慧敏哥同時亦有分享新歌《拯救我自己》算係舊作《十年如一日》嘅延續，佢亦喺製作新歌過程中反思自己嘅愛情觀，檢討自己多段愛情告終因由，最後分析到自己唔夠痴身可能係「愛情死因」。

最後慧敏哥正忙於為新專輯收尾，趕錄演唱會嘅主題曲，更透露遅遅未完工同歌詞改完又改要重錄有關，果然自己做老闆的確可以任性一啲，無咩時限壓力。