昆凌上海現身剖白湊仔心法 自爆家中嚴母形象子女怕怕

同 周杰倫 育有三名子女嘅 昆凌 呢日現身上海嘅一個嬰兒用品活動，露肩現身嘅佢一貫美艷動人，完全唔似已經係三子之母，佢仲分享自己同子女相處嘅睇法，認為媽媽好自然就會將家人同子女嘅一切都優先於自己，仲話平時對住小朋友會非常注重原則，更指出盡愛意子女自然會感覺得到呀。

每次現身都一定帶住甜美笑容嘅佢，呢日又話其實喺屋企一直都經營住嚴母嘅形象，而小朋友都知媽咪一發嬲就會非常可怕，所以都唔敢太過份，而每次周董感應到勢色唔妥時都會現身，而小朋友亦都會察覺媽咪已經去到臨界點會變乖唔作怪喎。